Бер хатын бик зур еланны ялан кулы белән тоткан — видео
Елан боргалана-боргалана, хатынны җиңмәкче була.
Вьетнамда яшәүче бер хатын зур еланны ялан куллары белән тоткан мизгелне видеога төшереп алганнар. Социаль челтәр кулланучылар бик гаҗәпкә калган, дип яза Рамблер.
Кадрларда медицина битлеге кигән хатын сурәтләнгән. Ул юл кырыенда елан тота. Елан боргалана-сыргалана, хатынга һөҗүм итмәкче була, ләкин хатын бик өлгер булып чыга, ул үзе еланны тота.
Видео азагында бу хатын еланны гәүдәсенә чорнап китеп бара.
«Без урамнан бара идек, зур еланны тотарга маташкан хатынны күрдек. Без туктап, бу мизгелне видеога төшердек. Ул бик тәвәккәл булды», — дип видео авторы.
