"Голос" проектында катнашкан Алексей Сафиуллин вафат

"Голос" проектында катнашкан Алексей Сафиуллин вафат
"Голос" проектында катнашкан җырчы Алексей Сафиуллин вафат булган. Бу турыда "Российская газета" хәбәр итте. Әлеге хәбәрне җырчының Инстаграмдагы рәсми сәхифәсендә дә раслаганнар.

Алексей Сафиуллинга 44 яшь иде. Ул Мария театрында солист булып та эшләгән. 2017 елда "Голос" проектының алтынчы сезонында Пелагия командасында катнашты.

"Алексей Сафиуллин белән хушлашу 13 июньдә Петр паркындагы Благовещения Пресвятой Богородицы храмында була. Безнең белән булганыгыз өчен рәхмәт", диелә Инстаграмдагы хәбәрдә.

Моңа кадәр Сафиуллинның мәете фатирындагы ванна бүлмәсендә 9 июньгә каршы төндә табылган дигән хәбәр чыккан иде. Артист ваннада йоклап киткән һәм вафат булган дип фаразлана.

Алексейның хатыны һәм ике баласы бар.