Кибеттән алган конфет эчендә тере суалчаннар табылган - видео
«Итле конфетлар» саткан супермаркет җитәкчелеге низагны җайларга тырыша.
Магнитогорск шәһәрендә яшәүче хатын кибеттән конфет алып, күңелсез хәлгә тарыган. Баллы ризык эчендә тере суалчаннар булган. Бу турыда «Вести» каналы хәбәр итте.
Супермаркеттан кайткан табылдыгын бу хатын видеога төшереп алган. Кадрларда зур ак суалчан конфет эченнән шуып чыгуы күренә.
Социаль челтәр кулланучалр шаяртып та алган. «Итле конфетлар», «Суалчаннар шоколад яратамы икән?», «Моннан соң баллы ашыйсы килмәс инде», диләр.
Белгечләр мондый очракта Роспотребнадзорга мөрәҗәгать итәргә кирәк дип аңлата.
Магниторгорскидагы очракта супермаркет җитәкчелеге низагны җайлараг җыена, алар конфет сатып алучы хатын белән элемтәгә чыккан инде. Кибет вәкилләре гафу үтенгән, диелә хәбәрдә.