Детективлар язучы Татьяна Полякова вафат

Россиядә танылган язучы Татьяна Полякова вафат булган. Аңа 81 яшь иде. Ул соңгы берничә ел дәвамында онкология авыруыннан интеккән булган. Бу турыда ТАСС хәбәр итте.

Мәрхүмә белән хушлашу 10 мартта була.

Татьяна Полякова — туксаннан артык детектив роман авторы. Ул 1959 елның 14 сентябрендә Владимир шәһәрендә туа, соңгы көннәренә кадәр шунда яши.

Россия Китап палатасы белешмәсе буенча, Татьяна Полякова Россиядә нәшер ителә торган авторлар унлыгына даими рәвештә керә торган булган.

Аның романнары буенча «Тонкая штучка», «Черта с два» кинолары, «Как бы не так», «Строптивая мишень», «Тень стрекозы» сериаллары төшерелгән.