Татарстанның атказанган артисты Алсу Хәбибуллинаның әтисе үлгән. Бу турыда ул инстаграмда хәбәр итте.
«Киттең, Әти. Бәгырьне телгәләп киттең. Бик сагынырбыз Сине, юксынырбыз.
Син бик ачык, көләч йөзле, барысына да яхшы һәм ышанычлы дус була белдең. Моңа мин буген Сине соңгы юлга озатырга килгән туганнарны, коллегаларыңны һәм бихисап дус-ишләреңне күргәч инандым. Рәхмәт барыгызга да, олы рәхмәт хөрмәтегезгә.
Минем өчен Син бик кадерле, һәм искиткеч Әти булып калачаксың. Ару-талуны белмәдең, алтын йөрәкле һәм куллы булып, эш сөючәнлегең белән күпләрне таң калдыра идең.
Әле яшисе дә яшисе иде бит. Эххххх.....Урыннарың җәннәт түрләрендә булсын. Тыныч йокла. Яткан туфрагың жиңел, нурлы булсын. Догаларыбыз кабул булсын», — ди ул.
Инстачылар барысы да кайгы уртаклашу сүзләре яза.