Чаллыда яшүсмер кызны кыйнау буенча тикшерү башланды
Чаллыда сәүдә үзәгендә бер хатын-кыз яшүсмер кызны идәнгә егып, аяклары белән типкәлгән.
Чаллыдагы бер сәүдә үзәгендә яшүсмер кызны кыйнау фактын тикшерә башладылар. Искәртеп үтик, бер хатын-кыз баланы чәченнән йолкып ала. Укучы бала идәнгә егылгач, аның битенә аягы белән тибә башлый, дип яза Татарстан 24 сайты.
«Хәзерге вакытта әлеге хәлнең 2021 елның 1 октябрьдә булганы ачыкланды. Бу хәлнең барлык сәбәпләрен ачыклау чаралары уздырыла. Тикшерү нәтиҗәләре буенча, процессуаль карар кабул ителәчәк», — дип хәбәр итә республика буенча Тикшерү комитетының матбугат хезмәте.