Розеткадагы телефон аркасында дүрт хатын һәм бер бала янып үлгән

Балконнан сикереп котылырга теләгән ир-ат хастаханәдә вафат булган.

Уссурийск шәһәрендә торак йорттагы янгынны өч сәгать ярым сүндергәннәр.

"Якынча мәгълүматлар буенча, өйдә телефон тоташтырылган электр розеткасы яна башлаган", дип сөйләгән Приморье буенча Тикшерү комитеты вәкиле Интерфакс агентлыгына.

Бүген иртәнге бишләр тирәсендә янгын хәбәре килгән. Өч сәгатьтән артык эшләгәннән соң, коткаручылар хәрабәләр арасында дүрт хатын-кыз һәм бер бала мәетен тапкан.

Дүртенче каттан сикереп котылмакчы булган ир-ат хастаханәдә үлгән, диелгән әлеге хәбәрдә.