Кипрда ял иткәндә 11 яшьлек кызга инсульт булган
Баланы ашыгыч рәвештә Россиягә алып кайтканнар.
![Кипрда ял иткәндә 11 яшьлек кызга инсульт булган](https://intertat.tatar/resize/shd/images/uploads/news/2021/7/5/0e14da41eb14ca80b499e6b2c3f283cfb25298034f70c23ca2c40f131078.jpg)
Санкт-Петербургта яшәүче 11 яшьлек кыз туганнары белән Кипрга ял итәргә бара. Биредә балага инсульт була. Бу турыда «Комсомольская правда» хәбәр итте.
Баш миендә кан әйләнеше бозылган баланы экстрен рәвештә Кипрдан Санкт-Петербургка алып кайталар, аэропортта аны ашыгыч ярдәм машинасы көтеп тора. Кызны Педиатрия университетына алып китәләр.
«Медицина оешмасында тирәнтен тикшерәчәкләр, аннары табиблар дәвалау тактикасын билгели, хирургия ысулы ихтыяҗы турында мәсьәлә хәл ителәчәк», — дип сөйләгәннәр Смольный матбугат хезмәтендә.
Шәһәр хакимияте баланы дәвалау һәм реабилитация өчен бар ярдәмне күрсәтергә әзерлек белдергән.
Табиблар балага кисәк кенә инсульт булу сәбәпләрен ачыклый. «КП-Петербург» үз чыганагына сылтама белән хәбәр иткәнчә, балаларда инсульт бик сирәк була.