Казандагы бер спорткомплексны яңгыр сулары баскан - видео

Бу көннәрдә Казанда көчле яңгырлар яуды. Яңгыр сулары башкаладагы бер спорткомплексны баскан. Бу урыннан видео кадрларын "Татар-информ" агентлыгы күрсәтте.

Роликны шаһитлар төшереп алган. Кадрларда тренажерлар залына су агып кергән мизгел сурәтләнгән. Залдагы тренажерлар өстенә түбәдән су ага. Спорт белән шөгыльләнергә килгән кешеләр читкәрәк китәргә тырыша. Шулай да алар бу хәлне телефон камераларына төшереп тора.