Барлык язмалар news_header_top_970_100
news_header_bot_970_100
Язманы тыңлагыз

Чабаксарда урамдагы кызларны яклаганда һәлак булган әтинең өч баласы ятим калган

35 яшьлек ир-атка үлгәннән соң Россия Тикшерү комитетының медален тапшырдылар.

news_top_970_100
Чабаксарда урамдагы кызларны яклаганда һәлак булган әтинең өч баласы ятим калган
https://chuvashia.sledcom.ru

2020 елның 8 апрелендә кич белән Чабаксар шәһәрендәге ишегалларның берсендә 43 яшьлек ир-ат урамдагы кызларга бәйләнә. 35 яшьлек Федор Атемов кызларны яклап, низагка кушыла, ир-атлар сугыша башлый. Җинаятьче Федорга алты тапкыр пычак кадый һәм Федор урында һәлак була. 

Россия Тикшерү комитетының Чувашия буенча Тикшерү идарәсе хәбәр иткәнчә, 43 яшьлек ир-ат исерек була. Ул таныш булмаган кызларга бәйләнә. Кызлар бу ир-атның кулында пычаклар күргәч, куркып йөгерешә, ярдәм чакыра башлый.

Федор Атемов бу вакытта күрше ишегалдында була. Ул тавышны ишетеп, кызларга ярдәмгә ташлана. Пычаклы ир-ат Федорның муенына, гәүдәсенә, башка урыннарына кадый.

Җинаятьче Федорның дустына да пычак кадамакчы була. Ләкин Федорның дусты җинаятьчене егып сала һәм хокук саклаучылар килгәнче тотып тора.

Федор Атемовны үтергән кешене 18 елга ирегеннән мәхрүм иткәннәр.

Россия Тикшерү комитеты Федор Атемовны үлгәннән соң батырлык өчен медаль белән бүләкләү карар чыгарган. Медальне җәмгыять каршындагы бурычын үтәгәндә һәлак булган Федор Атемовның тол хатынына тапшырганнар. Мәрхүмнең өч баласы ятим калган. Бу турыда «Чувашия» дәүләт телевидениесе хәбәр итте.

«Ирем Федор бик яхшы кеше иде, һәрчак ярдәм итәргә әзер булды. Балаларны бик яратты, яхшы әти, яхшы ир иде. Аның безнең арада булмавы бик кызганыч инде. Балаларым үсеп җиткәч, мин аларга әтиләренең геройларча һәлак булуын сөйләрмен», — ди Федор Атемовның тол хатыны Светлана Атемова.


Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100