Аксубай районында капланган машинада бары тик исерек кенә исән-сау калган

Аксубай районында һәлакаәткә очраган автомобильдә өч туган булган: рульдә утырганы үлгән, аек пассажир тән җәрәхәтләре алган, дип хәбәр итә "Татар-информ".
Чистай-Нурлат юлында, Яңа Аксубай авылы янында "Лада Приора" автомобиле дамбадан төшеп, каплана. 

Рульдә булган ир шунда ук вафат була. Ике пассажир машина эчендә кысылып калалар.

Фаҗига булган урынга килгән полиция, гадәттән тыш хәлләр министрлыгы хезмәткәрләре, каза күрүчеләрне коткара.

Пассажирлар берсе лаякыл исерек булып чыга. Аның сыдырылган җире дә булмый. Аек пассажир башын яра, мие селкенә, күпсанлы бәрелгән җирләре була. Ул сырхауханәгә озатыла.