Башкортстандагы бер авылда өч бала боз астына киткән

Башкортстандагы бер авылда өч бала боз астына киткән
Бүген Башкортстанның Нуриман районындагы Байгильдин авылында фаҗига булган. "Кечкенә күл" дип аталган сулык өстендә уйнап йөргән өч бала боз астына төшеп киткән. Сабыйларның берсен коткара алмаганнар. Бу турыда "Башинформ" агентлыгы хәбәр итте. 

Фаҗигане күршеләр соң күреп ала. Малайлар барысы да берьюлы су астына төшеп китә. Урынга балаларның берсенең әтисе йөгереп килә. Ул өч һәм биш яшьлек ике малайны судан тартып чыгара. Балаларны хастаханәгә озаталар. Җиде яшьлек тагын бер малай, кызганычка каршы, батып үлә. 


Республика Гадәттән тыш хәлләр министрлыгы хәбәр иткәнчә, урында полиция хезмәткәрләре, табиблар, психологлар эшли. Алар мәрхүм баланың әти-әнисе белән сөйләшә, башка балаларның туганнарына ярдәм итә.