Татарстанда ир белән хатын үлгән коточкыч аварияне видеорегистратор төшереп алган

«БМВ» иномаркасы каршыга килә торган «Лада» машинасына бәрелгән.

Узган җомгада Яр Чаллы-Яңа бистәсе юлында авариядән ир белән хатын һәлак була. Бу турыда «Татар-информ» агентлыгы хәбәр итә.

Әлеге аварияне видеога төшереп алганнар. «БМВ» иномаркасының каршы як полосага чыгып, «Лада» машинасына бәрелүе күренә. Аннары ике машина да юл кырыена төшеп китә.

Авариядә ир белән хатын — Чаллыда яшәүче кешеләр һәлак була. Алар «Лада» машинасында барган. 

Соңрак билгеле булганча, иномарка йөртүче кеше исерек булган, диелә бу хәбәрдә.