Барлык язмалар news_header_top_970_100
news_header_bot_970_100
Язманы тыңлагыз

Башкортстанда көрәш ярышында үсмер малай җитди имгәнгән

13 яшьлек көрәшчене авыр хәлдә хастаханәгә алып киткәннәр.

news_top_970_100
Башкортстанда көрәш ярышында үсмер малай җитди имгәнгән
https://surb.sledcom.ru

Башкортстанның Туймазы районара тикшерү бүлеге 13 яшьлек малай имгәнү турында эшне тикшерә. Бу турыда Россия Тикшерү комитетының Башкортстан буенча Тикшерү идарәсенең матбугат хезмәте хәбәр итте.

13 яшьлек малай Бакалы районында милли көрәш буенча ярыш вакытында имгәнгән. 

Якынча белешмә буенча, 30 гыйнварда 13 яшьлек үсмер яшьтәшләре белән спарингка чыга. Ярыш Бакалы авылындагы спорт мәктәбе базасында уза. Имгәнгән малайны хастаханәгә илтәләр, ул авыр хәлдә була. Хәзер бала хастаханәдә ята, аңа табиблар ярдәм күрсәтә.

Тикшерүчеләр вакыйга урынын караган, ярышларны оештыручыларны һәм катнашучыларны сораштыралар. Спорт мәктәбе хезмәткәрләре белән дә сөйләшәләр, документларны, ярышларны оештыру кагыйдәләре үтәлешен тикшерәләр. Шуннан соң җаваплы кешеләрнең гамәлләренә хокукый бәя биреләчәк, диелә бу хәбәрдә.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100