Мәскәү дәүләт университетының журфагы президенты вафат

Ул кырык елдан артык журфак деканы булып эшли.

Мәскәү дәүләт университетының журналистика факультетының президенты Ясен Засурский вафат. Аңа 91 яшь иде. Әлеге хәбәрне мәрхүмнең оныгы Иван Засурский инстаграмда раслаган. РЕН ТВ шул хакта хәбәр итте.

Засурский бүген төнлә үлгән.

Ул гомерен зур өлешен журналистика факультетына багышлаган. 1967 елда ул филология фәннәре докторы, аннары профессор булган.

1965-2007 елларда Засурский журфак деканы була. Аннары аның өчен махсус рәвештә факультет президенты вазифасы ачыла, диелә хәбәрдә.