Җинаять кылуда шикләнелеп кулга алынган ир-ат үзенең җенси әгъзасын кискән
Бу гамәлне ул конвой машинасында Чистайдан Мамадышка барганда кылган.
Ике үтерүдә шикләнелеп кулга алынган ир-ат үзенең җенси әгъзасын кисеп аткан, дип хәбәр итә "Татар-информ".
Бу ир-ат ике кешене үтерүдә шикләнелә. Тикшерү версиясе буенча, былтыр декабрь аенда ул Мамадышта 73 яшьлек бер хатынның Чаллыга ишетү аппараты алырга барырга җыенуын белеп ала. Бу ир-ат пенсионер хатынга ярдәм тәкъдим итә, аны Чаллыга алып барырга вәгъдә бирә һәм юлда, кешесез урынга алып кереп, буып үтерә.
Берничә көннән ир-ат элек бергә яшәгән 82 яшьлек хатын-кыз янына килә һәм аннан бурычка акча сорый. Хатын-кыз баш тарткач, ир-ат аның башына берничә мәртәбә суга, өйгә ут төртә һәм кача.
2018 елның июлендә бу ир-ат Удмуртиядә яшәгән 67 яшьлек хатын-кызны алдап басуга алып бара һәм аңа күп тапкырлар пычак кадый. Хатын-кыз, авыр җәрәхәтләр алуына карамастан, исән кала һәм җинаятьче турында мәгълүмат бирә. Җинаятьтә шикләнелүче ир-ат тоткарлана. Тикшерү барышында ир-ат элекке җинаятьләре турында сөйли һәм беренче корбанының гәүдәсе яшерелгән урынны күрсәтә.
2018 елның июлендә бу ир-ат Удмуртиядә яшәгән 67 яшьлек хатын-кызны алдап басуга алып бара һәм аңа күп тапкырлар пычак кадый. Хатын-кыз, авыр җәрәхәтләр алуына карамастан, исән кала һәм җинаятьче турында мәгълүмат бирә. Җинаятьтә шикләнелүче ир-ат тоткарлана. Тикшерү барышында ир-ат элекке җинаятьләре турында сөйли һәм беренче корбанының гәүдәсе яшерелгән урынны күрсәтә.