Россиядә яшәүче ир-атлар намуслылык, тугрылык, игелеклелек һәм ачыклыкны кәләш өчен иң мөһим сыйфатлар дип саный. Бу турыда «Работа.ру» сервисы тикшеренүенә сылтама белән РИА Новости хәбәр итте.
Егетләрнең 62 проценты өчен кәләш сайлауда иң төп критерий – намуслылык һәм тугрылык.
53 проценты тышкы кыяфәтне дә, акыл дәрәҗәсен дә бәяли.
39 процент егетләр өчен – юмор хисе, 28 процент өчен кызның спортка яхшы мөнәсәбәте, үзен карап йөрүе мөһим.
Ир-егетләрнең 26 проценты – хезмәт сөючән кызларны, 23 проценты белемле кызларны сайлый.
Тикшеренүдә бөтен Россиядән 1996 ир-егет катнашкан.