Чаллыда бер иминиятләштерү компаниясенең элмә тактасы парковкада торган машиналар өстенә төшкән.
Машина хуҗалары өчен бер дә көлке хәл булмаса да, социаль челтәрләрдә утыручылар әлеге видеодан кызык тапкан. Алар фикеренчә, бу – компаниянең маркетинг бүлеге хезмәткәрләре уйлап тапкан яңа реклама.
«Маркетинг рекламасының яңа төре», «Әгәр дә бу маркетинг икән, шәп. Тиз арада бөтен ил буенча кулланырга кирәк», «Моннан соң башка компаниядә иминиятләштерерләр инде машиналарын», «Иминият акчасы чыга торган очрак түгел инде бу»,«Компаниянең маркетинг бүлегенә афәрин!», «Әллә соң кара көчләр эшеме?» - дигән комментарийлар язып калдырганнар.
Фото: © социаль челтәрләр