Аш-су блогеры Илүзә Хөснетдинова җиләк-җимешле пирог рецептын тәкъдим итә.
Камыр өчен: 6 йомырка, 260 грамм шикәр комы, 260 грамм каймак, 300 грамм он, 1 кап ванилин, 20 грамм көпшәкләндергеч, 200-300 грамм абрикос (башка җиләкләр дә салырга мөмкин).
Беренче эш итеп йомырка белән шикәр комын болгатырга, аннары каймак, он, көпшәкләндергеч, ванилинны миксер яки кашык белән болгатырга. 100 грамм абрикосны ваклап турарга һәм камырга кушарга.
Табаны майларга, камырны табага агызырга, калган яртылаш киселгән абрикосларны камырга батырып чыгарга.
Аннары 80 градуска кадәр кызган духовкада 45-50 минут пешерергә. Пирогның пешкәнен уртасына шпажка кадап тикшереп була.