Җимешле кабак бөккәне рецепты
Кабак бөккәне кетердәп торган камыр белән бик тәмле булачак. Шушы ук камырдан ит пәрәмәче дә пешерергә мөмкин.
Камыр өчен: 3 стакан он, 1 аш кашыгы манный ярмасы, 0,5 бал кашыгы тоз, 100 мл су, 100 грамм атланмай.
Камырны савытка салып, өстен ризык пленкасы белән каплыйбыз. Бер сәгатькә суыткычка куябыз.
Эчлек өчен: кабак, дөге, йөзем, тоз, шикәр комы, атланмай.
Кабакны шакмаклап турарга, дөгене бүрттерергә, йөземне җылымса суга салып торырга. Барлык ингредиентларны кушып болгатырга.
Әзер камырдан бөккәннәр ясарга. Майланган табага тезәргә, бөккәннәрне дә үсемлек мае белән майларга. 180 градуска кадәр кызган духовкада пешерергә.
