Казанның «Гаилә» мәчете имам-хатыйбы Рөстәм хәзрәт Хәйруллин телеграм-каналында төрле сорауларга җавап бирә.
Бу юлы аннан «Имам "Әл-Фатыйха" сүрәсен укыгач, "амин" сүзен кычкырып әйтергәме, әллә эчтән генә әйтәсеме?» - дип сораганнар.
«Без Әбү-Хәнифә рәхмәтуллаһи галәйһи мәзхәбе кагыйдәләре белән, Пәйгамбәребез Мөхәммәд сәлаллаһу галәйһи вәсәлламнең сөннәте буенча яшибез. Безнең мәзхаб фикхлары буенча, имам «Әл-Фатыйха» сүрәсен укыгач, эчтән генә «амин» ди, без дә эчтән генә «амин» дип әйтәбез. Без «амин» сүзен кычкырып әйтмибез, бу турыда онытмагыз», – дип җавап бирә хәзрәт.