Бүген җырчы, шагыйрь, депутат Илсур Хөснетдинов вафат булды. Аңа 75 яшь иде.
Илсур Хөснетдинов – 2000 елларда зур популярлык казанган җырчы Энҗенең әтисе.
Илсур Гайнетдин улы Хөснетдинов иртәгә туган ягында – Арча районы Сикертән авылында җирләнәчәк.
1998 елда Илсур Хөснетдиновка «Татарстан Республикасының атказанган мәдәният хезмәткәре» дигән мактаулы исем бирелә. Ул – 1997 елдан Татарстан Язучылар берлеге әгъзасы.1995-2000 елларда ул – Татарстан Республикасы Дәүләт Советы депутаты, 2000-2002 елларда – «Салмачы» акционерлык җәмгыятенең генераль директоры.
Илсур Хөснетдинов җырлар авторы буларак та танылды. Игътибарыгызга аның җырларын тәкъдим итәбез. Бу җырларның күбесенең авторы – Илсур Хөснетдин.
«Бәхет дагасы». Эльвира Хәйруллина җырлый.
«Кичер, әнкәй, ачуланма». Закир Шаһбан.
«Чабата, тула оек». Айгөл Бариева җырлый
«Шомырт бәйләме». Нәфкать Нигъмәтуллин җырлый. Зөфәр Хәйретдинов көе
«Ташлама син мине, ташлама». Заман төркеме
«Соң бит». Халидә Бигичева җырлый