Илсөя Бәдретдинова социаль челтәрләрдә яңа прическасын күрсәтте. Чәче җыелып куелган булу сәбәпле, муен турысында чәчәккә охшаган сыман «тату»ны күпләр күреп алган.
Җырчының виртуаль дуслары аның нәрсә аңлатканын һәм, «тату» ясаткан өчен мәрхүмә әбисе нәрсә дип әйткән булыр иде микән, дип кызыксынган.
«Ул күп нәрсәне аңлата инде. Берәр кайчан язармын әле», – дип вәгъдә иткән җырчы.
«Бер генә тапкыр яшисең, кызым! Ничек яшисең килә – шулай яшә! Кешеләр өчен түгел, үзең өчен!» – дип җавап биргән Илсөя әбисеннән үзе ишетергә теләгән җавапны.
«Ә чынлыкта… «Тьфу, кит моннан», – диеп, к..емә тибеп чыгарган булыр иде», – дип җавап биргән әбисенең холкын яхшы белгән Илсөя Бәдретдинова.
