Илсөя Бәдретдинова төркемендә эшләүче музыкант Фәнзил Шәрифуллин әти булган. Шатлыклы хәбәр төркемнең Башкортстан якларындагы бер концерты вакытында килеп ирешкән.
«Дуслар, хөрмәтле тамашачылар, минем сезгә бер бик матур яңалыгым бар. Безнең Фәнзилебезнең малае бар. Фәнзил, сине чын күңелебездән тәбрик итәбез, яме. Җир йөзендәге иң бәхетле, иң сәламәт бала булсын. Әти-әнисенең горурлыгы булып, ух, безнең егет бит бу дип сокланып карап тора торган, әтисе кебек чын ир, әнисе кебек акыллы булып үссен», – дигән Илсөя Бәдретдинова Фәнзилгә. Видеоны җырчының социаль челтәрләренә урнаштырганнар.
Социаль челтәрләрдә утыручылар да сабыйның сау-сәламәт, тигез канатлы булып үсүен теләгәннәр. «Фәнзилнең үзе кебек ут булсын», - дип тә язганнар.