Илсөя Бәдретдинованың бу сезондагы металл төсендәге костюмын ошатмаганнар. Бу турыда җырчының «Вконтакте» челтәрендәге видеосына комментарийларда язганнар.
«Коточкыч, зәвыксыз. Җыры да, костюмы да, биючеләре дә бии белми», «Инопланетянин костюмы», дип язганнар йөзләре яшеренгән аккаунттан.
Әмма җырчыны аның иҗатын яратучылар шунда ук яклап чыккан һәм «модницаларны» тетеп атканнар: «Бик талантлы хатын булгач, матур костюм тек тә чыгып җырла», «Зәвыксыз – ул син. Ябык аккаунттан төкерек чәчеп утырасың. Илсөяне яратабыз, костюмнары да искиткеч. Синең зәвыгың булмау - синең кайгың», «Тормышта бернигә ирешмәгәнсез, шуңа ачулы сез».