Илсөя Бәдретдинованың концертларына олылар гына түгел, балалар да бик яратып йөри. Шуларның берсендә сәхнәгә, бер тартма тәмлүшкәләр күтәреп, 12-13 яшьләр тирәсендәге малай да менгән.
Җырчы белән бик җылы итеп кочаклашкач, үсмер егет аңа: «Шикарная!» – дип, комплимент ясап куя. «Илсөя, рәхмәт булганыңа», – дип тә җибәрә. «Илсөянең ухожеры», – дип яза алар «Татарлар дөньяcында» телеграм-каналында.
Видеоны караучылар, Илсөя Бәдретдинованың яшь фанатының телгә осталыгына шаккатканнар. «Хәзер үсеп җитә ул, Илсөя»; «Шикарный» белән «не шикарный»ны аера беләләр шул егетләр»; «Шәп егет, шушы яшьтә ничек ярый белә теле белән, үскәч нинди булыр», – дип язучылар да бар.
«Ялкытты инде Илсөя малайларны аздырып, юк-бар сөйләнеп», – дип, җырчыны ачуланучы да бар.