Татар эстрадасының иң күп концерт куючы җырчысы Илсөя Бәдретдинова чираттагы көчле җырын тәкъдим итте. Ул «Бирешмәм» дип атала.
«Бер күңел тулган вакытта Айгөл Вәлиуллина белән очраштык. Сөйләштек... Шул ук көнне шигырь язып та җибәрде. Ә көй авторы Илдус Дәүләновка минем күңелне аңлатып торырга да кирәкми. Ул барысын да аңлый. Рәхим итеп тыңлагыз, кадерлеләрем!» – дип яза ул.
«Бар дөньям әйләнсен, чигенмәм юлымнан,
Туасы таңыма әле төн сеңмәгән.
Бар бәхет, бар шатлык,
Әле мин күрмәгән...»