Татарстанның атказанган артисты Илсөя Бәдретдинова төркемендә җырлаучы егет Илнур Коләхмәтов өченче тапкыр әти булган.
Илсөя Бәдретдинова һәм аның администраторы Гүзәл Карамиева яңа туган баланы каршы алырга балалар тудыру йортына барган. «Бүген Илнур Коләхмәтовның өченче малае балалар тудыру йортыннан чыга», – ди Илсөя Бәдретдинова.
«Хәзер Айгөлгә 4 малай була инде, Илнурны да санаганда», – ди Гүзәл Карамиева.
«Юк, Илнур үзе 10 малай ул», – дип елмая Илсөя.
Сабыйга Риназ дигән исемне сайлаганнар. «Матур дөньяга рәхим ит, Коләхмәтов Риназ Илнур улы. Бәхетле әти-әни булыгыз! Өч бөркетегез горурлыкларыгыз булсын!» – дигән җырчы. Коләхмәтовлар гаиләсен котлыйбыз. Тигезлектә үстерергә язсын!