Илсөя Бәдретдинованың Екатеринбургта концертлары узды. Тамашачы киләчәктә яраткан җырчыларын парлы итеп күрергә тели.
«Ике кешенең берсе миңа ир тели. Каян алырга икәнен генә әйтмиләр. Әбинең сүзләренә «амин» диясе генә кала», – дип язган җырчы.
Сәхнәгә өч гөлчәчәк тотып менгән бабай да җырчыга яхшы ир насыйп булуын тели. Җырчы сәхнәгә ак яулыклы әби менгән видеоны да куйган. Анда әби торт пешереп алып килүен әйтә һәм җырчыга теләк тели.
Үзеңә хәләл җефет насыйп булсын!
Дога укыганда сорагыз инде. Бирегез инде шуңа берәр нормаль кеше, дип.
Укыган саен сорыйм. Сине яратам, башкасын ул кадәр яратмыйм.
«Рәхәтләнеп яши, дөньяның артына тибеп, алга таба да җир җимертеп яшәсен. Иргә чыгып кем рәхәт күргән соң», – дигән комментарий да бар.
