Татарстанның атказанган артисты Илсөя Бәдретдинова «Талларым» җырын яңарткан. Ул музыкаль мәйданчыкларга чыкты инде.
«Бәләкәйдән җырлап үскән, Зәйнәб ханым Фәхретдинова, Винера ханым Ганиева башкаруында яратып тыңлаган, рәхәт җыр. Бу җырның авторы Зиннур абый Сафиуллин белән киңәшләштек тә, яңартырга булдык. Машинада кычкырып җырлатып, кушылып җырлап йөрегез. Видеолар төшерегез, мин үземә куярмын», – дип тәкъдим иткән җырчы.
Җырчыны иҗатташ дуслары премьера белән котлаган.
«Яшьлектә яратып җырланган җырларга яңа сулыш биреп, тагын да матур итеп башкара. Афәрин!»;
«Люблю не могу сине, Илсөякәй»;
«Хәтәр булган»;
«Затлы»;
«Балачакта без таллар арасына кереп, җылы инеш суында басып, ботакларны кочып тора идек. Гади генә тал гомер буе төшкә кереп рәхәт кичертә», – дип комментарийлар калдырганнар.