Илсөя Бәдретдинова мәхәббәт аңлатучылар турында: «Мин әле тиз генә бирешмәячәкмен»

Илсөя Бәдретдинованы яратучы тамашачы арасында кечкенә малайлар да шактый. Җырчы аларның сәхнәгә менеп бүләк тапшырган, аны «пәп» иткән видеолар белән еш уртаклаша.

Чираттагы видеода да, бер тартма кош теле тотып, 10 яшьлек малай менгән. Ул җырчыга күзләрен тутырып карый да, кулыннан үбеп ала. Яшь тамашачы җырчы белән сөйләшер өчен татарча да өйрәнгән. «Шикарная! Мин сине шундый көттем-көттем һәм менә – син!» – ди ул, җырчыны ике як битеннән һәм борыннан үбеп алгач.

Тамашачы алкышлый һәм рәхәтләнеп көлә.

«Ник бөтенесе бәләкәй соң алар? Я яшь, я карт, я өйләнгән, я эчә, я… Ничек картаясың әле монда? 10 яшьлек «шикарный» егетләр мәхәббәт аңлаталар. Мин әле тиз генә бирешмәячәкмен!» – ди җырчы.