Шушы көннәрдә Илсөя Бәдретдинова һәм аның концертлар директоры Гүзәл Карамиева Кытайның Санья утравында ял итә. Алар анда Цян Янь Цинь исемле хатын белән танышкан. Аңа Татарстаннан килгән кунаклар Таня дип дәшә икән.
Бу «Таня» Илсөя белән Гүзәл ханымны Пекин үрдәген дөрес итеп ашарга өйрәткән.
Пекин үрдәкләрен махсус ризык ашатып кына үстерәләр, махсус утта, махсус агач яндырып гына кыздыралар икән. Алар бик майлы була, ди. Һәр Пекин үрдәгенең үз номеры була – кешеләрнең паспортлары кебек.
Пекин үрдәге итен масус беленнәргә төреп ашыйлар. Беленгә ит, үрдәк тиресе, кыяр, суган, ике төрле соус салына. Шуларны беленгә бөтереп, авызга кабасы.