Илсөя Бәдретдинова киләсе сезон образларын күрсәтте: күннән чалбар, ак елан, күлмәкләр
Илсөя Бәдретдинова концертлары булмаган көннәрдә киләсе сезонга әзерләнә. Ул социаль челтәрдәге сәхифәсендә яңа образларын да күрсәткән.
Видеода күренгәнчә, җырчының образларын алыштыргысыз Вера Григорьева һәм Алина Бәдретдинова эшли. Яңа сезонда җырчының образын ак елан тулыландырган.
Җырчыны күзәтеп баручылар яңа күлмәкләргә «ах» иткән, күпчелек аның еланнан курыкмавына шаккаткан.
Җырчы үзенең сәхифәсендә аның төркеме кигән һәрбер киемнең махсус әзерләнүен, сәхнә чалбарына аяк киеменең төсен туры китерү өчен шундый ук тагын бер чалбар алып, заказга аяк киеме тегелүе турында да сөйләде. Ә икенче образга баш киеме белән аяк киемен бер материалдан эшләгәннәр.