Ильмира Нәгыймова социаль челтәрдәге сәхифәсендә Илсөя Бәдретдинова белән төшкән фотосын куйган. Анда Илсөя яңа күлмәген кигән.
Илсөя яңадан-яңа образларын тәкъдим итеп тора, тамашачылары да бу мизгелләрне көтеп ала. Әмма яңа күлмәкне ошатмаучылар да бар.
«Илсөя җырчы түгел! Модель», «Илсөя, сезгә бик килешә» кебек комментарийлар һәм «йөрәк» билгеләре белән «Илсөягә яңа образы килешми», «Илсөянең күлмәге бер тиенгә тормый», «Тар күлмәк килешми, ябык кеше түгел», – дип тә фикерләрен язучылар бар.
«Ильмира зифа буйлы», «Ильмираның күлмәге бик матур», – дип, Нәгыймованы да игътибарсыз калдырмаган халык.
«Эх, макияжсыз булсалар, тагын да матуррак булырлар иде. Ә болай ясалма курчакларга охшап торалар», – дип тә язган бер егет.
