Татар эстрадасының күпчелек җырчылары гастрольләрен төгәлләп, Сабантуйларында чыгыш ясарга көч тупларга диңгезгә дә барып кайтты. Ә Илсөя Бәдретдинова әле һаман гастрольләрен дәвам итә. Ул Уфада берничә көн концерт куя.
«Ике легенда – Салават Зәкиевич һәм Айдар Ганиевич белән дуэт җырлыйсы килә. Әйтергә куркам, оялам! «Кит әле, сеңлем, ераккарак» дип әйтерләр», – ди җырчы, хыялындагы дуэтташларының афишаларын күрсәтеп.
«Күбрәк хыяллансаң була ул», – дип хуплый аны концерт директоры Гүзәл Карамиева.
Җырчы видеода ике легенданы да билгеләп куйган. Салават Фәтхетдинов элемтәгә чыкмаса да, Айдар Галимов Илсөягә үзе дуэт җырларга тәкъдим итәр кебек...