Татарстанның атказанган җырчысы Илсөя Бәдретдинова концерт директоры Гүзәл Карамиева белән Индонезиянең Бали утравында ял итә. Җырчының төркемендә төрле милләт кешеләре эшли, һәм алар, аның тырышлыгы белән, азмы-күпме татарча беләләр.
Балида да Илсөя тик тормаган, үзләренең гидына «зур рәхмәт», «исәнмесез», «сау булыгыз» сүзләрен өйрәткән.
«Алты тел белә. 7 көн бергә йөрсәк, татар телен дә өйрәтеп кайтып китәбез», – дип яза җырчы.
«Бик рәхәтләнеп өйрәнәм», – дип җавап бирә гид. Ул үзенең туган теле – Индонезия теле, аннары инглиз, рус, итальян, испан, голланд телләрен белүен әйтә.
