Илшат Сафин авырый
Илшат Сафинның концерты гыйнвар аена күчерелгән.
Популяр җырчы Илшат Сафин бераз авырып киткән. Шул сәбәпле аның бүген, 12 декабрьдә, Чаллыда булырга тиешле концерты 10 гыйнварга күчерелә.
«Чаллыга килеп җиткәч, Илшат кинәт авырып китте. Тамагы авырта, тавышы юк диярлек, бар тәне сызлый», – ди җырчының администраторы Рөстәм Галимҗанов.
Рөстәм сүзләренчә, концерт 100 процент яхшы узсын өчен барысы да әзер булган. «Тамашачы алдында гафу үтенәбез, Илшатның хәленә керүләрен сорыйбыз. Сыйфатсыз концерт кую безгә дә, тамашачыларга да кирәкми. Гыйнвар аенда күрешербез», – ди ул.
Илшатның «Интертат»ка биргән интервьюсы.
