Җырчы ИлСаф «Туган нигез» җырына клип төшергән.
«Дуслар, премьераны тәкъдим итәм. Туган нигезне ташламаска иде. Авылларны мөмкин кадәр озак сакларга, дигән фикерне җиткерергә тырыштык», – дип язган ул социаль челтәрдәге сәхифәсендә.
Клипта бертуганнар туган нигезгә кайталар, төп йортта аш үткәрәләр, ата-анасы каберен зиярат кылалар.
Сәхнә өчен ИлСаф тәхәллүсен сайлаган Илсур 6 балалы гаиләдә үскән – 5 малай һәм 1 кыз. Алар – Гөлнара, Илһам, Илсур, Азат, Ринат, Илнур. Кызганыч, Ринат исемле туганнары 32 яшендә юл һәлакәтендә үлгән.
Җырның авторлары – Габдрәзак Мингалиев, Шәмсия Җиһангирова.
