Илсөя Бәдретдинованың улы үзенә җитәрлек акча эшли башлаган
Инстачылар җырчының сагыш аша елмаюын сизеп алган.
«Менә шулай тыныч кына, елмаеп утырам бүген! Кайчак шулай итәргә дә кирәк икән. Өй җылы, ашарга бар, улым узенә җитәрлек акча эшли башлады хәзер… Дөньялар тыныч булсын! Бар да җайланыр, Аллаһ бирсә. Чирләре дә бетәр. Концертлары да булыр. Исән булыйк!» — дип язган Илсөя Бәдретдинова уйланып утырган фотосы янына.
Инстачыларның бер өлеше җырчы сагышын елмаю белән яшерергә тырышкан дигән фикер язган.
«Сине күргәч, дөньялар тыныч кебек тоела», «Бик тә матур киенәсең», «Кәртинкә инде үзең», «Бигрәк чибәрсең», — дип күпсанлы матур комментарийлар калдырган җырчының виртуаль дуслары.
«Улыгыз кайда укый? Кайда эшли?», «Сездә акча бер бакчадыр инде, шуның тикле концерт куюга. Кеше акчасының күпме икәне кирәк түгел. Малаем акча эшли башлады, ачка үлмәбез дигән шикелле килеп чыкты», — дип язучыларга «балаңның акча эшли башлавын күрү үзе бер бәхет бит ул», дип җавап биргән бер инстачы.