Илсөя Бәдретдинованың сөенече бар — күзлегенә һәм алкаларына сыя
Җырчы җәйге киемнәрен киеп каравы турында язган.
Җырчы Илсөя Бәдретдинова күзлек һәм рюкзак кигән фотосын куйган. Фото янына: «Бүген бөтен җәйге киемнәремне тартып чыгардым. Җылыта бит. Аллага шөкер, кайбер киемнәремә сыям икән әле. Рюкзакларыма… күзлекләремә… шарфларыма… алкаларыма», - дип язып куйган ул.
Җырчы бу сүзләре белән виртуаль дусларының күңелен күтәргән. Тәгәрәп көлгән смайликларның исәбе-хисабы юк.
«Бигрәк кискен юмор синдә», - дип язган Зифа Нагаева. «Сездән өйрәнәбез, Зифа апа», - дип җавап язган җырчы.
Инстачылар җырчыны тынычландырырга тырышкан.
«Иң мөһиме, ишеккә сыярга кирәк»;
«Ярар сыймаса, үзбәкләр шараварлар сата, шуларны алып киярбез»;
«Аларына сыйгач әйбәт инде», - дип комментарий калдырганнар.
«Әллә чалбарыңны артын алга кигәнсең инде?» — дип кызыксынган берсе.
«Тагын да матурайгансыз»;
«Үләм сезнең юмордан»;
«Ну тел сездә»;
«Күңелне күтәрә дә куя шушы Илсөя, рәхәт кенә итеп»;
«Вай нинди матур!!! Ә кая барасың? Урамда коронавирус бит», - кебек комментарий калдыручылар да бар.
