Илсөя Бәдретдинованың баянчысына «ярамаган» әйбер бүләк иткәннәр
«Шуның белән гастрольләр тәмам», — дип шаярткан инстачылар, бүләкне күреп.
Илсөя Бәдретдиновага тамашачысының хөрмәт йөзеннән төрле тәмле ризыклар бүләк итүе гадәти күренеш. Гастрольләр вакытында җырчының төркеме каз, бал-май, чәкчәк, салат, бәлеш ише ризыклар, чәй-мәй белән еш сыйлана. Бүздәк районындагы концертта Башкортстан тамашачысы җырчының баянчысы Илшат Хисаметдиновка аерым игътибар күрсәткән. Бер литр «чәй»не Илсөя Бәдретдинова сторисларында күрсәтә.
«Кереп китмә, яме. Син алайса кире чыкмыйсың. Шунда почмакка гына куеп тор», — дигән Илшатка Илсөя.
Әлеге видеоны Илсөянең фан төркеме дә үз сәхифәсенә куйган. «Кайда? Кайчан? Һинд чәеме? Кем белә?» — дип сораганнар алар.
Инстачылар да бу тәмле чәйдән авыз итәргә теләк белдергән. «Чәй эчәргә дәшмәсме икән?», «Шуның белән гастрольләр тәмам», «Илшат һәм башка егетләр концерттан соң азрак ял итәрләр. Сезнең төркем шәп», — дип язганнар.
«Әллә көмешкә инде?» — дип кызыксынган берсе.