Илсөя Бәдретдинова төркемендә эшләүче Саба егете өйләнгән
Җырчы сторисында яшьләрне котлаган.
Илсөя Бәдретдинова төркемендә эшләүче Саба егете Фәнзил Шәрифуллин өйләнгән.
Җырчы үз сторисында, Илсөя Бәдретдинованың фан-төркемендә дә яшьләрне котлаганнар, бәхетле тормыш теләгәннәр. Бу сторисларны яшь кияү инстаграмда үз битенә күчереп куйган.
Инстачылар кәләшнең моңсу булуына игътибар иткән. «Дулкынлангандыр», «Бик тыйнак кәләш», «Күлмәге дә килешле», «Чын татар кызы. Хәзерге тәрбиясез, шаркылдап көлеп, ахахайлап тормый», — дип язган кәләшне ошатучылар.
Сүз уңаеннан, Фәнзил Шәрифуллин яңа һөнәр дә үзләштергән. Музыкант барбершопта да эшли башлаган.
