Илсөя Бәдретдинова: «Миңа өйләнергә кирәк»
Җырчы гөлләренә су сибәргә дип залына кергән дә… һәм шундый нәтиҗәгә килгән.
«Соңгы ике атнада йокы төшкә генә керә башлады. Залга кермәгәнгә дә шул тирә. Гөлләргә су сибәргә дип кергән идем, күзем тузанга төште… «Яңа ел белән сине, уңган хатын Илсөя», — дип язып куй хет… Тизрәк утны сүндереп, чыгып киттем. Ник кенә кердем… Үзе чыгып су эчә торган гөл юктыр инде, име?
Кер юу, савыт-саба юу машинасын, мультиварканы уйлап тапкан кешеләр исәнме икән? Кочаклап рәхмәт әйтер идем. Тузан сөртеп йөри торган берәр нәрсә чыгарып булмасмы икән, ә?..
Ә кәеф әйбәт. Юылыр да, җыелыр да әле. Исән булыйк.
Миңа калса, миңа өйләнергә кирәк», — дип язган Илсөя инстаграмда.
«Сезгә кияүгә чыгарга әзер егетләр күптер әле ул»;
«Әй, өй җыештырып кем бәхетле булган»;
«Җыелыр әле вакыт җиткәч. Бер дә аптырама. Гомер ул тузан булса да үтә, булмаса да барыбер үтә»;
«Өйне җыеп, юып китә торган клининг оешмалар бар бит. Чакыртыгыз. Сезнең кебекләр тузан сөртмәсә дә ярый»;
«Бөтен дөньяңны җыештырып чыгарам, концертыңа гына чакыр»;
«Улыгызга ничә яшь соң әле, ул өйләнсә, була инде эшләүче»;
«Өйләнергә кирәкми… Кияүгә чыгарга кирәк!» — дип язганнар җырчыга инстадуслары.
