Илсөя Бәдретдинова кайчандыр концертына кеше җыя алмаган шәһәрдә аншлаг ясаган
Илсөя ул вакытта кайтып киткән булган.
"Кайчандыр мин Алабуга шәһәренә килеп, билет сатылмау сәбәпле концертымны отменять итеп кайтып киттем. Аннары...30 кеше...100 кеше... 200 кеше... узган елны 300 кеше... "Әле мин залны тутырып, урындыклар тезеп карый башлаганчы киләм. Тиз генә котыла алмыйсыз миннән", - дип шаярып кайтып киткән идем... Әйткән сүзләрем Аллаһның амин дигән вакытына туры килде ахры. Быел нәкъ шулай булды. Алабуга...рәхмәт яме!!!" - дип язган Илсөя инстаграмында.
Җырчы постына видео да куйган. Анда Илсөянең концертка әзерләнеп йөргән мизгелләре кергән. Җырчы администраторы белән шаярта: "Ничек сиңа минем иренем? Мин син яратмый торган иннекне махсус буядым", - ди.
Илсөя репетиция вакытында зәңгәр тапочкадан йөри икән. Тапочкасына үзенең логотибы төшерелгән.
