Илсөя Бәдретдинова битлек тегүгә керешкән
Җырчы тамашачысын өйдә утырырга чакыра.
Җырчы Илсөя Бәдретдинова медицина битлеге тегә башлаган. Бу турыда ул инстаграмдагы сәхифәсенә язды.
Постның геолокациясендә Шөгер дип куелган. Җырчы авылда булса кирәк.
«Хәерле кич барыгызга да! Апа бүген нишли? Апа бүген битлек тегә. Бер йөз данә. Илебезгә килгән шушы бик үк җиңел булмаган четерекле ситуациядән матур гына исән-сау чыгарга язса иде. Бәләкәй генә өлеш кертә алсам, мин бик шат булыр идем», — ди ул.
Илсөя Бәдретдинова бар кешене дә өйдә утырырга өнди. «Өйдә утырабыз», — ди ул.
Инстачылар Илсөяне мактый. «Бер дә тик утыра алмыйсың», «Молодец», диләр.