Cоциаль челтәрләрдә хәләл чаралар алып баручы Рузил Ихсановка ярдәм җыю игълан иттеләр. Рузил хәзрәт гаиләсе белән җитди авариягә эләккән. Олы кызлары операциядән соң реанимациядә ята. Автомобиленә дә шактый зыян килгән. Бу хакта аның дуслары һәм коллегалары яза.
«Рамазан ае буе төрле хәерле эшләр эшләдек. Рамазаннан соң да Аллаһ каршында ихлас калуыбызны тагын бер кат исбатлыйк.
Рузил хәзрәтне күпләребез белә. Дини мәҗлесләр алып баручылар арасында иң гыйлемлесе. «Действующий» хәзрәт. Ярдәм итик. Аллаһы Тәгалә безне ташламас.
Акча белән, репост белән, дога белән ярдәм итеп була», – дип хәбәр итә алып баручы Айваз Садыйров.
Рузил Ихсанов – хәзер Дубайда яшәүче татар җырчысы Илназ Сафиуллинның туганнан туган энекәше. Илназ да Рузилнең гаиләсе белән бәлагә таруы, бәхетләренә, барысының да исән калуы хакында язды.
