Илназ Сафиуллинның хатынына тизлек арттырган өчен штраф салганнар
Җырчы хатынын туган көне белән үзенчәлекле итеп котлаган. «Штрафларың азрак булсын, мәхәббәтем», — ди ул.
Илназ Сафиуллин тормыш иптәшен туган көне белән кызыклы рәвештә котлаган — хатынының тизлек арттырган өчен штраф кәгазен инстаграмга урнаштырган. Анда Айгөлнең 116 км/сәг белән барганы күренә.
«Туган көнең белән, мәхәббәтем минем. Маҗараларга һәм матур эмоцияләргә, яхшы кешеләргә бай булган тормыш телим. Штрафларың азрак булсың. Яратабыз. Кызым өчен зур рәхмәт», — дигән ул.
Котлауларга инстачылар да кушылган. Айгөлгә үзләренең матур теләкләрен юллаганнар. «Иң шәп фотосын сайлагансыз», «Яхшы машинада тизлек сизелмидер, күрәсең», «Биючегә сүз әйтмәгез, бии-бии остара. Хәвеф-хәтәргә генә юлыкмагыз», — дип яза алар.
Җырчының тормыш иптәшенә машина бүләк итүе турында хәбәр иткән идек.