Илназ Сафиуллин коронавирус белән хастаханәгә эләккән
Җырчы моңа кадәр өйдә дәваланган.
Җырчы Илназ Сафиуллинның коронавирус йоктыруы, компьютер томографиясе үпкәләренең 25 процентка зарарланган булуын күрсәтүе турында язган идек. Хәле начарланып киткән булса кирәк, ул бүген үзенең шәһәрнең 7 нче клиник хастаханәсенә эләгүен хәбәр итте.
«Дуслар, мине югалтмагыз. Ярдәмегез өчен барыгызга да рәхмәт. Үзегезне саклагыз», — дип язган ул инстаграмда #ковид хештэгын куеп.
Илназ Сафиуллинның тизрәк терелеп, аякка басуын телибез.