Илназ Минвәлиев улының баянда уйнаганын күрсәтте
Алмаз мөмкинлекләре чикле балалар арасында уздырылучы республикакүләм бәйгедә катнаша.
Җырчы Илназ Минвәлиевнең улы Алмаз мөмкинлекләре чикле балалар арасында читтән торып уздырылучы республикакүләм «Слушая сердцем» бәйгесендә катнаша. Алмазның баянда татар халык көе «Рәйхан”ны уйнаганын Илназ Минвәлиев инстаграмдагы сәхифәсендә күрсәтә.
«Ел да бу бәйгедә алдынгы урыннар яулаган, җыр-моңга гашыйк Алмазыбызга быел да уңышлар телик, дусларым», — ди ул.
Инстачылар Алмазның әти-әнисен, якыннарын һәрвакыт шулай куандырып яшәвен, бик күп яңа үрләр яулавын теләгәннәр.