Илназ Гариповның температурасын революциягә кадәрге ысул белән үлчәгәннәр
Җырчының маңгаенда иннек эзе бар.
Җырчы Илназ Гарипов куйган фотода аның маңгаенда кызыл иннекле ирен эзе бар. Фото янына: «Температурамны үлчәделәр», - дип язган ул.
«Күтәрелдеме? Температураң дим…», «Яхшы манчыганнар», «Йөзегезгә караганда, температураны гына тикшермәгәннәр кебек», «Ярый әле гөнаһ тирәнлекләреңне үлчәмәгәннәр», «Куәтле булган шул, кызарып чыккан», «Бик әйбәт тикшергәннәр. Бармы соң температураң?», «Градуснигы революциягә кадәрге булган», — дип шаярткан җырчының виртуаль дуслары.
Илназның буйдак булуына борчылучылар да бар: «Болай йөрсәң, ялгыз каласың инде», «Болай тикшергәч, тиздән эләктерәләр сине», «Бик әйбәт иткәннәр, шулай тикшереп торсыннар. Ичмасам, башлы-күзле булырсың».
Җырчыны мәгънәсез фото куюда да гаепләгәннәр.